СЕ СПРЕМА ЛИ ТРЕТАТА ПАЛЕСТИНСКА ИНТИФАДА? Хезболах се сретна со Хамас и со Исламски Џихад

Сè додека не постои вистински мировен процес или друга надеж за преговарачко решение, Палестинците ќе гледаат на групите кои се залагаат за насилство, како што е Хамас, како на подобри лидери, и покрај уништувањето што го носат нивните постапки, се вели во написот.

2,711

Третата интифада – третото востание на Палестинците против Израел под водство на сегашниот лидер на Хамас Махмуд Абас, или пак без него, ќе зависи од приликите во Западниот Брег, пишува Форин Аферс во своја анализа.

Текстот ги анализира превирањата околу наследникот на 87-годишниот Абас и како тоа, спротивно на очекувањата, може да ги откочи условите за востание.






Истовремено, лидерот на либанската милитантна група Хезболах, Хасан Нарсала, се сретна со лидерот на палестинскиот исламски џихад Зијад ал Нахалах и заменик-лидерот на Хамас, Салех ал Арури, јавуваат либанските медиуми. Тие правеле планови „за победа во Газа“ на „оската на отпорот“.

Во претходната, втора интифада од 2004 година, лидер на Палестинците беше Јасер Арафат. Тој гледаше на Хамас како на оружје против Израел. Тој му даваше слобода на Хамас да врши притисок врз Израел кога и како ќе реши, но веруваше дека може да го здроби ако посака.

Во 2005 година Абас го презеде кормилото на Палестина иако ги немаше харизмата, ниту револуционерниот легитимитет на Арафат. Хамас како група веќе стана силна и доби на кредибилитет по втората интифада.

Потоа се случи нападот на 7 октомври годинава со кој започна војната. Хамас го нападна Израел.  Израел почна да се одмаздува со напади врз Газа. По експлозијата во болница во Појасот Газа, Абас го обвини Израел за „грозоморно воено злосторство“ и одби да се сретне со американскиот претседател Џо Бајден.

Абас е 87-годишен хроничен пушач и нема јасен наследник. Тој ги потисна своите ривали давајќи им мала или никаква видливост – а камоли можност да развијат свои поддржувачи или политички мрежи. Но, откако ќе умре, коцките остануваат на масата. Можно е да се појават повеќе ривали, не само од старата гарда, туку и некој помлад лидер – некој што ќе донесе нова перспектива.

Израелците стравуваат дека Хамас ќе го искористи спорот за наследување, всушност, за да ја зголеми својата моќ, па и да се обиде да ја преземе контролата врз Западниот Брег.

„Сè додека не постои вистински мировен процес или друга надеж за преговарачко решение, Палестинците ќе гледаат на групите кои се залагаат за насилство, како што е Хамас, како на подобри лидери, и покрај уништувањето што го носат нивните постапки“, се вели во написот.

Поврзани содржини