Се сомневавте дали маските ви го спасуваат животот? Еве ви доказ!

Уште на самиот почеток на пандемијата со коронавирусот почнаа да се водат расправии за тоа колку заштитните маски се корисни во спречувањето на жирењето на заразата од ковид-19, објави „Б92“.

Научниците толкуваа и докажаа дека маските секако ја намалуваат можноста за ширење на респираторните капки, а со тоа и ширењето на вирусите. Неколку експерти исто така истакнаа дека маските можат да ја намалат концентрацијата на вирусот во воздухот и со тоа вирусното оптоварување на кое ќе бидат изложени здравите луѓе.

И истражувањето, објавено во научни списанија, како што е реномираниот „Лансет“, покажа дека постои корелација помеѓу изложеноста на вирусот и сериозноста на болеста.

Сепак, во тоа време, студиите се засноваа на искуства со некои други заразни респираторни заболувања, како што е грипот. Подоцна, беа направени неколку убедливи потврдни студии поврзани со ковид-19, но тие беа главно спроведени во лабораториски услови, често на модели или животни.

Во раната фаза на пандемијата, постоеше недостаток на истражување што би го потврдило ова кај реалното население во кое единствената разлика во примерокот би била тоа што дел од популацијата на земја со слична популација, слична култура и слични навики носи маски, а другиот дел не.

Ваква студија конечно била спроведена деновиве и објавена од американскиот Универзитет Вандербилт во вторникот.

Истражувачите откриле дека окрузите во државата Тенеси, кои не вовеле задолжително носење маски, забележале најмалку двојно повисоки стапки на смртност од оние што барале покривање на лица.

Во моментов, во области без обврска да носат маски, се регистрираат повеќе од четири смртни случаи на 100.000 луѓе секоја недела, додека во областите кои ја прифатиле обврската во текот на летото, стапката на смртност е околу две лица неделно.

Во областите кои рано прифатија задолжително носење маски дури и пред самиот врв на епидемијата во јули и август, стапката на смртност е поблизу до една личност неделно за секои 100.000 луѓе.

На пример, Нешвил, кој ја воведе обврската од крајот на јуни, од март забележа 53 смртни случаи на милион луѓе, пренесува Индекс. Од друга страна, округот Клеј, кој нема обврска да носи маски, забележа 223 смртни случаи на 100.000 луѓе од почетокот на пандемијата, што е најлоша стапка на смртност во таа сојузна држава.

Луѓето во Тенеси, главно, ги разбрале придобивките од носењето маски.

Податоците од овој американски Универзитет покажуваат дека помалку од две третини од популацијата на Тенеси живеат во области каде што маските се задолжителни.

Истражувачите велат дека добрата вест е дека повеќе од 80 проценти од жителите на таа земја изјавуваат дека носат маски од овој месец, што е прикажано од податоците на Универзитетот Карнеги Мелон. Ова покажува дека повеќето луѓе сè уште ги разбираа придобивките од носењето маски, и покрај фактот што гувернерот Бил Ли продолжи да ја отфрла идејата за воведување на државна обврска.

– Регулативите за маските се знак на вистинско лидерство што испраќа јасен сигнал дека однесувањето мора да се промени со цел да се ублажи ширењето на вирусот – велат истражувачите.