СЕ СКАРАЛЕ ДВЕ СЕМЕЈСТВА, ПА НАСТАНАЛА МАСОВНА ТЕПАЧКА Удирале со тупаници во глава, шутирале со нозе, а за сѐ е „виновна“ пејачката (ВОЗНЕМИРУВАЧКО ВИДЕО)

Масовната тепачка која започнала поради недоразбирање за музиката и пејачката се случила за време на прослава на официјално здружение во ресторан во белградската населба Ледине.

Инцидентот се случил помеѓу две семејства, а на снимката од местото на настанот може да се види како маж стои на маса и во расправија ги турка луѓето кои го напаѓаат, пред да скокне меѓу нив. Во тој момент започна масовната тепачка.

Мажите се степале во неколку групи, се удирале со тупаници и клоци, па било невозможно да се разделат. Додека едни се удираа со тупаници по глава, други соборуваа поединци на земја и брутално ги клоцаа додека лежеа.

Највознемирувачки момент на видеото е кога неколку луѓе држат млад човек, додека еден маж го удира со тупаници во главата. Друга група мажи успеала да ги раздвои, а младиот човек останал неподвижен.

Според информациите, Брзата помош однела шестмина во ургентен центар каде им биле констатирани тешки телесни повреди. Никој од повредените вчера не поднел кривична пријава во полиција.

Tuča na Ledinama! pic.twitter.com/ssFPyNVAN0

— Lovac na neke od njih! (@Sabljalo) March 6, 2023