📷 📽 СЕ ШИРИ ПОСЛЕДНАТА ФОТОГРАФИЈА ОД ЛИАМ ПЕЈН Настанала неколку моменти пред неговата смрт?

Се појави фотографија од Лиам Пејн како се враќа во својата хотелска соба во Буенос Аирес, Аргентина, а станува збор за наводно последната фотографија на пејачот пред да падне од третиот кат од балконот на хотелската соба.

Фотографијата беше прикажана на локалната мрежа Америка ТВ и го прикажува Пејн како носи бела маица без ракави со видливи тетоважи. Водителот рекол дека тоа било последен пат кога поранешниот пејач на „Уан дирекшн“ бил виден жив пред да се качи со лифтот во својата соба.

Алберто Кресенти, шефот на градската служба за итни случаи, откри дека Пејн претрпел „фрактура на черепот, внатрешно и надворешно крвавење и екстремно сериозни повреди што довеле до непосредна смрт“. Тој, исто така, изјави за телевизијата ТН дека Пејн бил мртов кога болничарите пристигнале во 17:00 часот по локално време и дека тие се обиделе да го реанимираат. Идентитетот на Пејн беше потврден од службите за итна помош со проверка на неговиот пасош, но полицијата сè уште нема убедливи докази за околностите на неговиот пад.

Пејачот падна од балконот на апартманот кој гледа на базен и хотелскиот ресторан, а полицијата доцна синоќа детално ги прегледувала собата и балконот. Дворот во кој загинал се наоѓа веднаш до базенот, каде се наоѓаат масите на хотелскиот ресторан „Сарко“, кој во тоа време не бил отворен.

Лиам Пејн бил виден како шета низ ресторан во Буенос Аирес со својата девојка Кејт Кесиди неколку дена пред неговата смрт, а обожавателите на социјалната мрежа ТикТок споделуваат една од последните снимки на покојниот пејач.

@fanofliampayne Liam and kate #liampayne #katecassidy #fanofliampayne #onedirection #1d #ffy #foryou #viral ♬ suara asli – ilham

Да потсетиме, Пејн на почетокот на месецов пристигна во Аргентина на концертот на неговиот поранешен колега од бендот Најл Хоран со својата девојка Кејт, а пред да тргне на патувањето, во видео објасни дека сака да се смири со Хоран.