СЕ РАЗВЕДУВА АРИЈАНА ГРАНДЕ? Пејачката ги избриша фотографиите од венчавката и на Вимблдон се појави без прстен
Инаку Аријана и Далтон се заедно од 2020 година, а врската ја обелоденија во јавноста преку нејзиниот спот за дуетот со Џастин Бибер - „Stuck With You“. Една година подоцна, парот се венчаше во домот на Аријана во Монтесито, на интимна венчавка на која присуствувале околу 20-тина луѓе.
Пејачката Аријана Гранде (30) ги изненади своите обожаватели кога на тенискиот турнир на Вимблдон се појави без прстен на раката. Со тоа Американката отпочна лавина гласини за развод помеѓу неа и агентот за недвижности Далтон Гомез (27).
Пејачката на Вимблдон била во друштво на Ендру Гарфилд и Џонатан Бејли, а обожаватели се запрашале дали тоа значи дека постојат проблеми во нејзиниот брак со Далтон.
Сега извор за „TMZ“ потврди дека навистина е така, и дека Аријана и Далтон се разделиле на почетокот на оваа година, по 2 години брак. Наводно парот пред неколку месеци се обидел да ја обнови врската, но ни тоа не им успеало.
Понатаму се наведува дека парот набрзо би можел и официјално да се разведе и дека нивните проблеми започнале уште минатата година.
Пејачката од декември 2022 година е многу зафатена со снимање на мјузиклот „Wicked“ поради кој патува низ цела Америка. Сепак, таа и Далтон наводно и понатаму се во контакт и се добри пријатели.
Инаку Аријана и Далтон се заедно од 2020 година, а врската ја обелоденија во јавноста преку нејзиниот спот за дуетот со Џастин Бибер – „Stuck With You“. Една година подоцна, парот се венчаше во домот на Аријана во Монтесито, на интимна венчавка на која присуствувале околу 20-тина луѓе.
И покрај гласините за разделувањето кои веќе беа актуелни во тоа време, пејачката во мај, по повод втората годишнина од бракот објави симпатична фотографија од венчавката, која неодамна ја избриша од социјалните мрежи.