СЕ ПРОДАВА ДЕЛ ОД ХРВАТСКИОТ „ОСТРОВ НА ЉУБОВТА“ Сопствениците бараат по 300 евра за квадратен метар
Вкупната површина на срцеликиот остров изнесува 142.000 квадратни метри и има плажа која се простира на 1,55 километри.
Галешњак, популарниот „остров на љубовта“ на каналот Пашман, наскоро би можел да има нови косопственици.
На оглас за продажба се повеќе од 3 хектари земјиште на островот сопственост на повеќе граѓани на Мрљан, а интересот за купување е голем. Меѓу заинтересираните се и неколку инвестициски фондови.
Сопствениците за земјиштето бараат по 300 евра за квадратен метар.
– Немам агенција за недвижности, само им помагам на сопствениците во продажбата. Станува збор за четири поврзани парцели на повеќе сопственици со вкупна површина од околу 32-33 илјади квадратни метри. На тоа земјиште има афион, а порано имало и маслинки. Сите сопственички документи се во ред и сопствениците се регистрирани. Сопствениците се од Мрљан на островот Пашман. Сопствениците на останатиот дел од островот не се заинтересирани да продаваат – Силвестро Кардум, претставник на продавачот.
Вкупната површина на срцеликиот остров изнесува 142.000 квадратни метри и има плажа која се простира на 1,55 километри.