Се преврте турски автобус во Куманово, тројца повредени
Според првичните информации три лица се здобиле со полесни повреди, но одбиле лекарска помош - велат од кумановската полиција.
Турски автобус полн со патници попладнево се превртел на раскрсницата на автопатот Куманово-Белград, во населбата Долно Којнаре, јави кумановоњуз.
Според очевидци автобусот се исклучил од автопатот и кога се вклучил на магистралниот пат кон Крива Паланка од непознати причини излетал од патот и се превртел.
Можеби ќе ве интересира
Од СВР Куманово соопштуваат дека несреќата се случила во 17 часот, кога автобус на туристичка агенција со турски национални ознаки излетал од патот.
– Според првичните информации три лица се здобиле со полесни повреди, но одбиле лекарска помош – велат од кумановската полиција.
На самото место е увидна полициска екипа, како и Итна помош и Противпожарната единица.