„СЕ НАТПРЕВАРУВАМЕ ВО СВЕТОТ ЗА МАКЕДОНИЈА“ Училиштето „Јахја Кемал“ 30 години е дел од македонското образование

Училиштата „Јахја Кемал“ низ Македонија во септември ќе прослават 30 години од своето постоење, а тие се едни од првите кои испратија студенти на престижните светски универзитети како Харвард, МИТ, Минхен, Оксфорд, ETH, Кембриџ.

Суреа Таук, директорот за односи со јавноста на училиштето, кој е таму од самите почетоци во 1996 година, во интервју за МКД вели дека овој тренд и понатаму ќе продолжи.

–  Поради тоа, горди сме со придонесот што училиштата „Јахја Кемал“ го даваат во македонското образование, како и со постигнатите успеси, да се ​​натпреваруваме со светот за Македонија – вели Таук, потсетувајќи дека низ години ќе останат забележани многу медали на европски и светски натпреварувања во математика, физика, хемија, филозофија и во биологија.

Но, според Таук клучно е што учениците во „Јахја Кемал“ се личности што ги прифаќаат принципите на толеранција и дијалог во сите области и ги почитуваат човечките вредности.

– Образованието во мултиетничка средина им овозможува да стекнат навики за соживот, да се развијат како среќни и успешни индивидуи и да придонесат за македонската и светската култура – објаснува тој.

Тој наведува неколку причини зошто родителите би се одлучиле да го запишат своето дете во некое од училиштата на „Јахја Кемал“.

Првата причина, вели Таук, е дека училиштето строго се придржува до програмите за средно образоавание објавени од Министерството за образование и е во контакт со институциите, но и се грижи за исполнување на одредени меѓународни стандарди во самиот процес.

Друга причина, вели Таук, е дека голем дел од часовите се реализираат на англиски јазик, а учениците имаат можност и да учат и турски и германски јазик.

Третата причини, според Таук, е грижата за редот, дисциплината, но и за безбедноста на училиштето.

Таук откри и некои од новините кои се планираат за следната учебна година. Тоа се нови паралелки со математичко-информатичка насока, кариерн советник кој ќе им помага на учениците да ги планираат своите кариери, почнувајќи од шесто одделение.

Тука се и натпреварот FirsSTep Project за учениците од трето одделение па нагоре, кој треба да ги припреми за националниот натпревар FirSTep Grand Final и за мжни светски натпревари.