СЕ НАМАЛИ ИНФЛАЦИЈАТА ВО ЕУ Цените на храната и услугите и натаму во пораст
Гледано по земји членки, минатиот месец најниска годишната стапка на инфлација имала Литванија од 0,4 отсто, по што следуваат Финска со 0,6 и Данска со 0,8 %, а највисока годишна стапка е регистрирана во Романија од 6,7 %, Хрватска со 4,9 и Естонија и Австрија со по 4,1%.
Годишната стапка на инфлација во Еврозоната во март годинава изнесуваше 2,4%, што претставува намалување за 0,2 процентни поени во однос на претходниот месец, кога таа изнесуваше 2,6%.
И на ниво на цела ЕУ, годишната стапка на инфлација минатиот месец се намали за 0,2 процентни поени на 2,6% од 2,8% колку што изнесуваше во февруари 2024 година.
Според податоците на Европската статистичка агенција – Евростат, во март 2023 година годишната стапка на инфлација во Еврозоната изнесуваше 6,9%, а во цела ЕУ – 8,3%.
Гледано по земји членки, минатиот месец најниска годишната стапка на инфлација имала Литванија од 0,4 отсто, по што следуваат Финска со 0,6 и Данска со 0,8 %.
Од друга страна, највисока годишна инфлаторна стапка во март е регистрирана во Романија од 6,7 %, пред Хрватска со 4,9 и Естонија и Австрија со по 4,1%.
Во споредба со февруари 2024, годишната инфлација е намалена во 13 земји членки на ЕУ, во четири останала непроменета, а во останатите десет бележи раст.
Најголем удел во нивото на годишната стапка на инфлација во март имале растот на цените на услугите за 1,76%, на храната, алкохолот и тутунот за 0,53%и на неенергетските индустриски стоки за 0,30 %. Енергијата, пак, во март во ЕУ поевтинила за 0,16%.