СЕЉАТИН БЕЉУЛИ ВО АГЕНЦИЈАТА ЗА ВРАБОТУВАЊЕ, МЕСУТ ЈАКУПИ ВО СТОКОВИ РЕЗЕРВИ… Владата именува в.д. директори на 11 институции

Владата на вчерашната  седница донесе повеќе одлуки за разрешување на досегашните и именување на нови кадровски решенија.

Како што е соопштено нови вршители на должност директори добија повеќе институции.

За в.д. директор на Биро за процена, орган во состав на Министерството за правда е именуван
Фејсаљ Беадини, а  Седад Рушани ќе раководи со Биро за метрологија орган во состав на Министерството за енергетика, рударство и минерални суровини.

Шабан Алајбегу е нов в.д. директор на Државниот просветен инспекторат, Хаќим Рамадани на Државниот инспекторат за локална самоуправа, додека Зухејр Реџепи ќе раководи со Државниот инспекторат за градежништво и урбанизам.

Месуд Јакупи, е в.д. директор на Агенција за стоковни резерви, а Џеладин Џеладини  на Казнено поправна установа Затвор Тетово.

Сељатин Бељули, е в.д. директор на Агенција за вработување, а негова заменичка  е  Весна Пешова.

Ељјеса Незир е в.д. директор на Државниот завод за индустриска сопственост, а Гранит Османи  на  Агенција за примена на јазикот што го зборуваат најмалку 20% од граѓаните.