СДСМ ВО ОДБРАНА НА ЈП „ВОДОВОД И КАНАЛИЗАЦИЈА“ Ревизорите не нашле никакви неправилности
„Вистината е дека ниту еднаш за изминатите четири години директорот не користел средства за ресторантски услуги и кафе, за службен телефон и за набавка на скапи мобилни телефони“, реагира СДСМ на прес-конференцијата на ВМРО-ДПМНЕ.
ВМРО-ДПМНЕ не може да престане да шири лажни вести и невистини во обид да спечали некој политички поен, реагираше СДСМ, откако портпаролот на ВМРО-ДПМНЕ, Наум Стоилковски изнесл, како што вели Бихаќка, низа лаги и невистини за работата на Јавното претпријатие „Водовод и Канализација“.
„Вистината е дека ниту еднаш за изминатите четири години директорот не користел средства за ресторантски услуги и кафе, за службен телефон и за набавка на скапи мобилни телефони.
За работата на ЈП ‘Водовод и канализација’ постоја и ревизорски извештаи од страна на надворешни независни ревизорски куќи каде не се констатирани никакви неправилности во финансиското работење.
Очигледно е дека денешните изнесени лаги на Стоилковски се дел на внатрепартиската пресметка за избор на директор на ова јавно претпријатие“, се вели во соопштението на СДСМ.