СДСМ вети бесплатна зелена нафта и три нови откупни пункта

Во наредниот мандат ќе ја покриваме зелената нафта целосно. 100 проценти! Зелената нафта ќе биде целосно бесплатна, најави денеска Љупчо Николовски, генерален секретар на СДСМ и носител во Изборната единица 3 при посетата на Чешиново-Облешево.

– Ја воведовме зелената нафта, 200 милиони денари завршија назад кај 55.000 земјоделци – рече тој.

Тој информира дека се градат три нови откупно дистрибутивни пунктови во Ресен, Скопје и во Струмица, за сигурен пласман и поконкурентно производство.

– Во новиот мандат, обезбедуваме сигурен пласман и современи услови за складирање на градинарските производи преку изградба на 3 откупно-дистрибутивни центри, еден од нив и овде во Струмица. И во следниот мандат ќе продолжиме да им помагаме на младите земјоделци, на жените од руралните средини преку постојано зголемување на неповратните средства кои ги добиваат за да се занимаваат со земјоделство – рече лидерот на СДСМ, Зоран Заев денеска при посетата на Ново Село.

Тој додаде дека земјоделците ќе добијат повисоки субвенции, повисоки грантови и сигурен пласман.