СДСМ РАБОТИ НА МНОЗИНСТВОТО Се разговара со сите кои делат исти вредности

Оставката на премиерот Зоран Заев е многу јасна, очигледно е дека опозицијата селективно ги следи медиумите и известувањата. Заев и во Владата и во партијата поднесе оставка, но како политичка партија во органите на партијата одлучивме тие да бидат одложени се до целосно стабилизирање на државата, изјави Славјанка Петровска, пратеничка на СДСМ на денешната прес-конференција.

Петровска рече дека еден од процесите за стабилизација на државата и зголемување на мнозинството бил денот кога опозицијата сакала да изгласа недоверба на Владата.

Таа рече дека е јасно оти опозицијата го нема долго најавуваното парламентарно мнозинство.

– Како политичка партија сериозна и посветена на демократските процеси во државата остануваме отворени за понатамошна комуникација со сите политички партии, особено со оние кои ги делиме истите вредности – рече Петровска.