СДСМ НЕ САКА ДА ОДИ НА ИЗБОРИ Оставка да си поднесе Мицкоски

Од СДСМ порачаа дека дека не е време за предвремени избори, бидејќи државата е исправена пред големи предизвици. Оттаму го повикаа лидерот ВМРО-ДПМНЕ Христијан Мицкоски да си поднесе оставка.

– Мицкоски треба да излезе пред граѓаните да им се извини и да даде оставка. Криење зад брзи избори навистина нема смисла пред граѓаните после толку кажани лаги. Сега не е време за избори, време е за одговорност бидејќи сме соочени пред многу предизвици како што е енергетската криза, живеачката на граѓаните, пандемијата, продолжување на патот кон ЕУ, и токму затоа време е за одговорност и не е време за брзи и предвремени избори – велат од партијата.

Од СДСМ велат дека во наредниот период ќе се обидат да го зголемат парламентарното мнозинство, со цел да се овозможи функционирањето на Собранието и на Владата.