СДСМ НЕ ГИ СПРЕЧИ КЛУБОВИТЕ СО ФАШИСТИЧКИ ИМИЊА Од ВМРО-ДПМНЕ обвинуваат дека власта не презела ништо

Ако СДСМ е против фашистичкиот клуб Цар Борис, зошто им смета законското регулирање, нека го поддржат предлог законот на ВМРО-ДПМНЕ, порача преку соопштение опозициската партија.

„Законското решение на ВМРО-ДПМНЕ ќе овозможи и регулирање на постоечките клубови со цел промена на фашистичките имиња. Ако СДС е против клубовите со фашистички имиња, тогаш нека го поддржи предлогот на ВМРО-ДПМНЕ. СДС всушност и дозволи да се отворат клубовите и не направи ништо тоа да се спречи. Власта е виновна и за политиката на асимилација и негација на Македонија која е резултат на политиките на самата СДС. Изјавите на Заев дека македонскиот и бугарскиот јазик и народ се исти, се изјави кои долгорочно ги поткопаа македонските позиции. Тие иако целосно неточни, ги подгреаја апетитите на шовинистички кругови и ја заострија нивната реторика“, се наведува во соопштението на ВМРО-ДПМНЕ.