СДСМ И ФИЛИПЧЕ БИЛЕ ИЗМЕЌАРИ НА ДУИ Петрушевски ги обвини дека знаеле за криминалите во Лотарија
Кога ВМРО-ДПМНЕ зборуваше дека СДСМ се измеќари на ДУИ, токму на ова мислеше. СДСМ го одмолчеа и дозволија криминалот на Груби, за истиот да не се налути и ДУИ да им излезе од коалиција, рече Бране Петрушевски од ВМРО-ДПМНЕ на дененшата партиска прес-конференција.
СДСМ биле измеќари на ДУИ и го одмолчале криминалот на поранешниот вицепремиер Артан Груби во случајот со „Државна Лотарија“, обвини Бране Петрушевски од ВМРО-ДПМНЕ. На партиска прес-конферениција Петрушевски изјави:
– СДСМ и Филипче знаеле за криминалот на Груби, молчеле за владата да не им падне. Со години Артан Груби ја краде државата. СДСМ знае и молчи. Венко Филипче како врвен функционер на СДСМ знаел за криминалот кој го прави Артан Груби.
Петушевски вели дека „жално е да се гледа, како сега повторно мора од себе да се прават недоветни, па смислуваат разни приказни“.
– Кога ВМРО-ДПМНЕ зборуваше дека СДСМ се измеќари на ДУИ, токму на ова мислеше. СДСМ го одмолчеа и дозволија криминалот на Груби, за истиот да не се налути и ДУИ да им излезе од коалиција – рече Петрушевски.
Тој вели дека СДСМ и Филипче треба да излезат пред граѓаните и да се извинат за случајот со Груби.
– Да не беше СДСМ и нивната болна желба за власт по секоја цена, буџетот немаше да биде оштетен за неколку милиони евра од Груби и неговите другари. Затоа СДСМ и Филипче треба да им се извинат на граѓаните. Владата на ВМРО-ДПМНЕ без компромисно влезе во битка со криминалците и одговорност ќе има за сите – заклучува Петрушевски.