„СДСМ Е КРЕАТОР НА ИНФЛАЦИЈАТА, А СЕГА СЕ ПРОТИВ ПОНИСКИТЕ ЦЕНИ“ Остра критика од ВМРО-ДПМНЕ за реториката на опозицијата
СДСМ беше и партијата која ги покачи платите на функционерите, додека платите на работниците се намалуваа“, додадоа од ВМРО-ДПМНЕ.
Од ВМРО-ДПМНЕ обвини дека опозициската СДСМ неосновано се повикува на цените на основните производи, истакнувајќи дека токму политиките на СДСМ се одговорни за економските проблеми кои ја погодија земјата.
„Во време на СДСМ, за мега реформа се фалеа дека поевтиниле цените на раковите, школките и октоподите, а истовремено се зголемија цените на брашното, шеќерот и лебот. СДСМ беше креатор на двоцифрената инфлација која го изеде стандардот на граѓаните“, порачаа од ВМРО-ДПМНЕ.
Од партијата истакнаа дека токму СДСМ ја намалил куповната моќ на граѓаните, додека во исто време ги зголемил платите на функционерите.
„СДСМ беше и партијата која ги покачи платите на функционерите, додека платите на работниците се намалуваа“, додадоа од ВМРО-ДПМНЕ.
Според нив, тековните поевтинувања на над 1.100 производи се доказ за промените кои моментално се спроведуваат.
„Сега поевтинија цените на над 1.100 производи, и тоа ќе продолжи. СДСМ на овој начин ни кажува дека е против намалените цени за граѓаните“, велат од партијата.
Од ВМРО-ДПМНЕ порачаа дека државните институции ќе продолжат со засилени инспекции и ќе ги казнат сите оние кои се обидуваат да профитираат на штета на граѓаните.
„Државните институции ќе излезат на терен и треба да се казнат сите оние кои печалат на грбот на граѓаните. Тоа е разликата од функционирањето на законите сега, споредено со времето кога СДСМ ја ограбуваше државата“, заклучија од ВМРО-ДПМНЕ.