СДСМ ДА СЕ ВРАЗУМИ И ДА ПРИФАТИ ПРЕДВРЕМЕНИ ПАРЛАМЕНТАРНИ ИЗБОРИ Повеќе од 75 отсто од граѓаните сметаат дека земјата се води во погрешна насока
ВМРО-ДПМНЕ бара датум за предвремени парламентарни избори.
Нервозата кај Димитар Ковачевски и СДСМ е очигледна. Тие се очајни и фрустрирани затоа што гледаат дека над 75% од граѓаните сметаат дека Македонија се води во погрешна насока, што е резултат на неспособноста, неодговорноста и криминалот на оваа власт на СДСМ и ДУИ, велат во денешното соопштение од ВМРО -ДПМНЕ .
Можеби ќе ве интересира
Оттаму додаваат дека партијата повторно подава рака во интерес на граѓаните и државата.
„Затоа бараме СДСМ да се вразумат и да прифатат да се договори датум за предвремени парламентарни избори, а до тогаш да вклучат тимови од експерти да помогнат во изнаоѓањето на решенија за кризите и проблемите кои им тежат на граѓаните. СДСМ треба да покажат доблест и интересите на граѓаните да ги стават пред нивните тесни партиски интереси и желбата за гола власт“ се вели во соопштението.