СДСМ ДА ГО ИСЧИСТИ СВОЈОТ ДВОР Дури потоа нека ја коментира новата влада, вели Куновска

СДСМ нека се зафати да си го исчисти својот двор, нека го заврши отчетниот конгрес за своите претходни 7 години работа, нека одржи еден нормален состанок, а потоа нека се зафаќа со работата на новата влада, изјави Софија Куновска на гостување на телевизија Канал 5 во емисијата „Само вистина“.

Според неа, уште ги чувствуваме последици од владеењето на СДСМ и ДУИ.

– Венко Филипче дојде за да го анестезира СДСМ. Потребно е да дојде нов свеж бран т.е простор на новата влада да ги санира последиците од претходната влада и да покаже дека ги реализира своите ветувања – рече Куновска.

Зоран Димитровски, заменик министер за надворешни работи кој исто гостуваше во емисијата рече дека очекувањата се високо подигнати, довербата во судството мора да се врати, но реално кусо е времето од 3 месеци за да се реформира судството.

– Пребрзо е за да видиме дали има резултати од борбата против корупција и организиран криминал. Прекраток е периодот за да се подигнат тие покрупни процеси во правосудсвото и довербата во истото беше некои 3% и ВМРО и коалицијата излезе со едни сериозни реформи во тој дел – истакна Димитровски.