САМО УШТЕ ЧУМА ФАЛИ ВО СВЕТОТ! Дијагностициран прв случај од опасната болест кај жител на Орегон
Медицинските лица од округот Дешут во Орегон изјавија дека лицето најверојатно било заразено од мачка која ја каснала мува како и дека нема значителен ризик за ширење на болеста.
На еден жител на Орегон му била дијагностицирана чума што е прв случај таму во последните осум години, пренесува Скај Њуз.
Луѓето најчесто се заразуваат со оваа болест преку каснување од мува, која ја пренесува бактеријата јерсинија пестис (Yersinia pestis). Медицинските лица од округот Дешут во Орегон изјавија дека лицето најверојатно било заразено од мачка која ја каснала мува.
Инфекцијата денес лесно се лекува со едноставни антибиотици.
Д-р Ричард Фосет кој работи во округот Дешут, рече дека нема значителен ризик за ширење на болеста и дека би бил многу изненаден доколку се појават други случаи. Тој додаде дека некои лекари пријавиле оти пациентот развил кашлица додека сè уште бил во болница, што е индикација за пулмоналната варијанта на болеста, која се пренесува меѓу луѓето.
Раните симптоми на болеста се оток и болка во лимфните јазли, треска и болки во мускулите. Пациентот добро реагирал на антибиотскиот третман.
Во просек, седум случаи на човечка чума се откриваат во САД секоја година. Во 2014 година четири лица се заразиле поради контакт со болно куче. Повеќето случаи се јавуваат во руралните области во близина на шуми и полиња.