САМО КОЦЕВСКИ ОСТАНУВА ВО ИГРА ЗА НАСЛЕДНИК НА ЈОВЕСКИ Советот на јавни обвинители ги отфрли кандидатурите на Фетаи и на Раичевиќ

Од тројца кандидати само Љупчо Коцевски го помина филтерот во Советот на јавни обвинители во борбата за тоа кој ќе го наследи Љубомир Јовески на функцијата државен јавен обвинител.

Коцевски доби едногласно позитивно мислење и сите членови на Советот имаа само пофални зборови за него за време на дискусијата.

– Се работи за најсериозен кандидат кој треба да добие апсолутна поддршка од Советот и треба да добие позитивно мислење. Посакувам тој да биде избран. Убеден сум дека ќе може да се носи со функцијата – рече членот Изет Меџити.

Инаку Коцевски е дел и од Управниот одбор на Академијата за судии и обвинители, како и член на дисциплинската комисија во Јавното обвинителство.

Кариерата ја почнал како адвокат, па потоа бил дел од Вишото ЈО во Гостивар, а од пред извесно време е дел од републичкото ЈО.