📷 САКАВ ДА ПИШУВА „РС МАКЕДОНИЈА“, АМА ЛЕНТАТА БЕШЕ КУСА Претседателката објасни зошто на венецот во Рим го пишувало нејзиното име и функција
Тие лентите не се многу долги, разговарав со мојот кабинет, имавме и различни мислења. Јас бев на мислење дека може да се напише „РС Македонија“, бидејќи немаше простор. Но, се дојде на мислењето дека можеби, бидејќи јас сум на чело на делегацијата, која е државна и црковна, тоа да биде решението, објасни претседателката Гордана Сиљановска Давкова.
На новинарско прашање зошто на венецот што го положи на чевствувањето на светите браќа Кирил и Методиј во Рим стои само нејзината функција и име (Претседателка Сиљановска Давкова), а не и името на државата, претседателката на Македонија Гордана Сиљановска Давкова изјави дека лентата била куса.
– Тие лентите не се многу долги, разговарав со мојот кабинет, имавме и различни мислења. Јас бев на мислење дека може да се напише „РС Македонија“, бидејќи немаше простор. Но, се дојде на мислењето дека можеби, бидејќи јас сум на чело на делегацијата, која е државна и црковна, тоа да биде решението. Знам, има забелешки, ги разбирам многуте од нив. Но, Македонија ја претставувавме таму. Веројатно во времево кога, по мојот говор кога го избегнав официјалното име на државата и определбата за Македонија врз основа на правото на самоопределување и слободата на изразување на мислата, се одлучивмне на ова решение. Не мислам дека е тоа не знам каков проблем, ниту негирање на Македонија, ниту негирање на државата. Се знаеше која е делегацијата, кои сме ние. Нам ни се чинеше дека тоа е најдобро во тој момент – рече претседателката на Македонија, Гордана Сиљановска Давкова.