САКААТ ДА ЈА ПОБЕДАТ МАКЕДОНИЈА СО 10:0 Георгиевски вели настана трка за Гоце Делчев

Пред ветото, имаше добра позиција од македонска страна преку државниот врв дека Гоце Делчев е заеднички херој. Тоа беше невидена отстапка дека делиме заеднички херој, изјави поранешниот премиер и актуелен лидер на ВМРО-НП, Љубчо Георгиевски во емисијата „Трилинг“.

– Во последно време настана трка околу Гоце Делчев. Бугарската страна од Историската комисија не сфаќа каква шанса добила кон доаѓање на некоја релативна вистина. Кај нив преовладува атмосфера кај што Македонија треба да се победи со 10:0 – рече Георгиевски.

Тој истакна дека кога дошол премиер Зоран Заев за да се смени политиката и затоплувањето, Бугарија решила да заигра тврдо со три акти кои се доста груби и сурови кон Македонија – Декларацијата во бугарското собрание, Меморандумот до ЕУ и на крај ветото.

– Сепак, мораме да бидеме самокритични дека во изминатите децении не сменивме ништо, со мали исклучоци, останавме со старата реторика и приказна кон Бугарија – смета Георгиевски.