САД СТАВААТ ТОЧКА НА ПОЛОВИТЕ ИНТЕРВЕНЦИИ ВРЗ МАЛОЛЕТНИЦИ Кенеди ја спроведува директивата на Трамп
Под мое водство и како одговор на повикот на претседателот Трамп, ќе ставиме крај на небезбедните практики што ги изложуваат нашите деца на ризик, изјави министерот за здравство на САД, Роберт Ф. Кенеди, внук на познатиот претседател Кенеди.
Американскиот секретар за здравство и социјални услуги, Роберт Ф. Кенеди, потпиша декларација со која формално се утврдува дека интервенциите за промена на пол кај деца не ги исполнуваат професионалните стандарди на здравствена грижа. Мерката, која следи по извршната наредба на претседателот Доналд Трамп, има цел да ја прекине практиката на блокатори на пубертет, хормонска терапија и хируршки зафати кај малолетници.
– Под мое водство и како одговор на повикот на претседателот Трамп, ќе ставиме крај на небезбедните практики што ги изложуваат нашите деца на ризик – рече Кенеди.
Администраторот на ЦМС, д-р Мехмет Оз, изјави дека „децата заслужуваат заштита, не експерименти без научна потврда“.
Центрите за Медикеар и Медикаид сервис (ЦМС) објавија дека ќе воведат правило со кое болниците што учествуваат во федералните програми нема да смеат да изведуваат вакви интервенции врз деца под 18 години. Мерката се темели на Законот за социјално осигурување и има цел да ги заштити малолетниците од, како што наведува ЦМС, „непотврдени и трајно штетни практики“.
Фeдералната помош ќе се ограничи
Предлог-правилата предвидуваат и забрана за користење на федерални средства преку Медикаид и програмата ЧИП за финансирање на интервенции за промена на пол кај лица под 19 години. Според податоците, 27 држави веќе не обезбедуваат покритие за вакви постапки.
Контроверзи околу родовата дисфорија
Федералната агенција за лекови испрати предупредувања до 12 компании кои незаконски рекламирале компресивни градници за третман на родова дисфорија. ХХС, пак, најави укинување на обидот на поранешната администрација на Бајден родовата дисфорија да ја вклучи во дефиницијата за попреченост.
14.000 малолетници биле подложени на интервенции?
Извештајот на ХХС „Третман на педијатриска родова дисфорија“ покажува дека меѓу 2019 и 2023 година речиси 14.000 малолетници биле подложени на вакви интервенции. Според документот, последиците можат да вклучат неплодност, намалена густина на коските и нарушувања во развојот на мозокот.
Адмирал Брајан Кристин, шеф на Комисионираниот корпус на Јавната здравствена служба, потпиша јавно здравствено соопштение:
„Доказите покажуваат дека овие интервенции носат сериозни ризици. Давателите на здравствена грижа имаат обврска да избегнуваат постапки што можат да предизвикаат доживотна штета“.