САД СО ПОМОШ ЗА ЗЕМЈИТЕ ВО РАЗВОЈ Ќе донира уште 500 милиони дози „Фајзер“
Експертите велат дека се потребни околу 11 милијарди дози за вакцинирање на најмалку 70% од светската популација. Светската здравствена организација постави како минимална цел 40 отсто од населението во секоја земја да биде вакцинирано до крајот на 2021 година.
Соединетите држави ќе донираат уште 500 милиони дози вакцина „Фајзер“ за земјите во развој. Американскиот претседател Џозеф Бајден, за ова официјално ќе соопшти на видео самитот за ковид-19, изјавија американски претставници.
Со овие дополнителни дози на вакцини, САД ќе донираат вкупно повеќе од милијарда дози, пренесува Би -Би -Си.
Експертите велат дека се потребни околу 11 милијарди дози за вакцинирање на најмалку 70% од светската популација.
Светската здравствена организација постави како минимална цел 40 отсто од населението во секоја земја да биде вакцинирано до крајот на 2021 година. Сепак, според Би -Би -Си, тоа најверојатно ќе биде невозможно да се постигне.
Додека во многу богати земји, повеќе од половина од населението досега примило барем една доза, само два проценти од луѓето во сиромашните земји ја примиле првата доза, покажуваат податоците на Универзитетот Оксфорд.