САД СО НОВ ПРЕТСТАВНИК ЗА ЗАПАДЕН БАЛКАН ОД 7 СЕПТЕМВРИ Габриел Ескобар ќе го замени Метју Палмер
Ескобар важи за одличен познавач на Балканот, а велат дека е непристрасен дипломат.
Актуелниот заменик – амбасадор на САД во Србија, Габриел Ескобар ќе го замени Метју Палмер на функцијата претставник на американскиот Стејт департмент за Западен Балкан, која ќе ја преземе на 7 септември.
Дипломатот од кариера Ескобар потврди дека ќе ја преземе новата должност од 7 септември.
– Назначувањето е официјално, и јас ќе ја преземам функцијата на 7 септември – рече Ескобар.
На својата нова позиција, Ескобар ќе биде задолжен за решавање бројни прашања на Западен Балкан, како и за дијалогот меѓу Србија и Косово.
Тој важи за одличен познавач на Балканот, а велат дека е непристрасен дипломат.
Две години, од август 2019 година, Ескобар беше заменик -амбасадор на САД во Белград, до доаѓањето на Ентони Годфри го раководеше американското дипломатско претставништво во Србија.
Претходно служеше во Багдад.