САД ГО ЗАПЛЕНИЈА РУСКИОТ ТАНКЕР И ПОКРАЈ ПРЕДУПРЕДУВАЊЕТО ОД МОСКВА Дали е на повидок воена ескалација меѓу двете велесили?
Американски функционер изјави за Ројтерс дека запленувањето го спроведуваат крајбрежната стража и војската на САД.
САД го запленија танкерот „Маринера“, кој плови под руско знаме, а е поврзан со Венецуела, по повеќе од две недели потера преку Атлантскиот Океан.
Американските сили се качија на танкерот и го запленија во средината на Атлантикот, помеѓу Европа и Северна Америка.
Американски функционер изјави за Ројтерс дека запленувањето го спроведуваат крајбрежната стража и војската на САД.
Тој додаде дека руски воени бродови биле во областа кога се одвивала операцијата, вклучувајќи и руска подморница.
Руската државна новинска агенција РТ, исто така, објави дека хеликоптер за кој се верува дека превезувал американски воен персонал се обидувал да слета на танкерот.
The @TheJusticeDept & @DHSgov, in coordination with the @DeptofWar today announced the seizure of
the M/V Bella 1 for violations of U.S. sanctions. The vessel was seized in the North Atlantic pursuant to a warrant issued by a U.S. federal court after being tracked by USCGC Munro. pic.twitter.com/bm5KcCK30X— U.S. European Command (@US_EUCOM) January 7, 2026
Запленувањето, кое би можело да ги зголеми тензиите межу САД и Русија, се случи откако танкерот, првично познат како Бела 1, ја избегна американската поморска блокада на санкционирани танкери и ги одби претходните обиди на американската крајбрежна стража да се качи на него кај Венецуела, изведени во декември.
Претходно Русија објави дека го придружува танкерот со подморница и дека заплената може да предизвика ескалација на море.
Руското МНР претходно објави дека бродот се наоѓа во меѓународни води и дека работи во согласност со меѓународното поморско право. Министерството соопшти дека бродот, првично познат како Бела 1, пловел под руско знаме и ги повика западните земји – вклучувајќи ги и САД – да го почитуваат неговото право на слобода на пловидба.
Американската крајбрежна стража, исто така, пресретна уште еден танкер поврзан со Венецуела во јужноамериканските води, изјавија американски функционери.
САД продолжуваат да спроведуваат поморска блокада на санкционирани бродови од Венецуела.