СЀ УШТЕ ИМА ДОБРИ ЛУЃЕ ВО ЗАГРЕБ Дали вие би го направиле истото?
Некој ги оставил отворени двата прозорци во автомобилот. Не се знае кој … А, оваа жена наишла, веројатно од пекарницата … Праша неколку од малкуте минувачи и соседи дали знаат чиј е овој автомобил. Никој не знаеше. Таа замина. Но, се врати за 5 минути и ги залепи страничните прозорци за дождот да не ја навлажни внатрешноста. Колкумина од нас се подготвени да направат вакво нешто за некој друг?
Жител на Загреб од неговиот прозорец фотографирал случка што се случила на паркинг, а која стана хит на Фејсбук. Снимката покажува дека сè уште постои добрина, онаква каква што ја знаеме од книгите, пренесува Индекс.
„Недела е. Врне. Секој што може – е в кревет. Некој ги оставил отворени двата прозорци во автомобилот. Не се знае кој … А, оваа жена наишла, веројатно од пекарницата … Праша неколку од малкуте минувачи и соседи дали знаат чиј е овој автомобил. Никој не знаеше. Таа замина. Но, се врати за 5 минути и ги залепи страничните прозорци за дождот да не ја навлажни внатрешноста. Колкумина од нас се подготвени да направат вакво нешто за некој друг?“, праша загрепчанецот покрај фотографијата од настанот.
„Секоја чест од госпоѓата“ – се сложија дел од луѓето со него во коментарите.
„Таа не го спаси светот од глад и војни, но ова е чекор во вистинската насока … Затоа што, како што рече американскиот адмирал Мекрејвен – ако сакате да го смените светот, почнете да си го поправате својот кревет …“, заклучи човекот под сликата.