РУСКИТЕ ХАКЕРИ ВО НОВА ВОЈНА Британски Форин офис тврди дека лажни профили има на Телеграм, Твитер, Фејсбук и ТикТок
Цел на операцијата се политичари и јавноста во многу земји, вклучително и Британија, Јужна Африка и Индија.
Руски хакери почнаа нов напад врз странски лидери, насочени кон платформите на социјалните мрежи со голема кампања за дезинформации, чија цел е да ја легитимизира инвазијата на Украина, соопшти британскиот Форин офис.
Платените оперативци кои работат од фабриката во Санкт Петербург ја користат апликацијата Телеграм за да регрутираат и координираат поддржувачи, кои потоа ги преплавуваат социјалните мрежи со коментари за поддршка на рускиот претседател Владимир Путин и војната во Украина.
Лажни профили – таканаречени „фабрики за тролови“ – се пронајдени на осум платформи за социјални медиуми, вклучувајќи ги Телеграм, Твитер, Фејсбук и ТикТок.
Цел на операцијата се политичари и јавноста во многу земји, вклучително и Британија, Јужна Африка и Индија.