📽 РУСКИ РАКЕТЕН НАПАД КАЈ ХАРКОВ Погодена пошта, шест лица го загубија животот, а повеќе се повредени
Руска ракета го погоди терминалот Нова Пошта. Тоа е обичен цивилен објект. За жал, има жртви - објави украинскиот претседател Володимир Зеленски.
Во вчерашниот руски ракетен напад врз пошта во близина на Харков, најмалку шест лица загинаа, а 14 се ранети, соопштија локалните власти.
– Шестмината убиени и 14 ранети во нападот на окупаторите беа вработени во компанијата на терминалот Нова Пошта – изјави гувернерот на Харковската област Олех Сињехубов.
Веста на Телеграм ја објави и украинскиот претседател Володимир Зеленски.
„Регион Харков. Руска ракета го погоди терминалот Нова Пошта. Тоа е обичен цивилен објект. За жал, има жртви. Мое сочувство до роднините и пријателите“, напиша Зеленски.
Kharkiv region. A Russian missile struck a post terminal. Ordinary civilian object. Unfortunately, there are killed. My condolences to all of their close ones!
As of now, it is known that at least 13 people were injured. First responders and all services are working on the spot.… pic.twitter.com/gN94DOIJtL
— Volodymyr Zelenskyy / Володимир Зеленський (@ZelenskyyUa) October 21, 2023