📽 РУСКИ АВИОН СО 167 ПАТНИЦИ ПРИНУДНО СЛЕТА ВО ПОЛЕ Нема повредени патници
Авионот на компанијата „Урал ерлајнс“ побарал принудно да слета на аеродромот во Новосибирск од технички причини, но подоцна беше објавено дека авионот слетал во поле.
Патнички авион „Ербас А320“ со 167 патници и членови на екипажот принудно слета во поле во Новосибирската област, соопшти денеска авиокомпанијата „Урал ерлајнс“.
„Авионот на линијата од Сочи до Омск успешно принудно слета надвор од аеродромот. Ниту еден од патниците и членовите на екипажот не е повреден“, се вели во соопштението објавено на „Телеграм“.
Претходно авионот на компанијата „Урал ерлајнс“ побарал принудно слетување на аеродромот во Новосибирск од технички причини, но подоцна беше објавено дека авионот слетал на поле, пренесува агенцијата ТАСС. Не е наведено за какви технички причини станува збор.
Во 2019 година авион со 233 патници на истата компанија мораше принудно да слета во поле со пченка, откако птици влетаа во моторот.
A Ural Airlines plane flying from #Sochi to #Omsk made an emergency landing in a field near #Novosibirsk.
The reason for this was a failure of the hydraulic system, Russian media reported. There were 170 people on board the liner, including 23 children. pic.twitter.com/00vuk13DvD
— NEXTA (@nexta_tv) September 12, 2023