Руската вакцина доби зелено светло во Србија

Србија одлучи да даде зелено светло на руската вакцина против ковид-19. Вакцината „Спутник V“ ги помина сите потребни тестови во Агенцијата за лекови и медицински помагала.

Квалитетот на руската вакцина е потврден и може да почне да се дава, информираа српските власти. Во Србија веќе пристигнаа 2.400 дози од вакцината „Спутник V“, а на почетокот на 2021 година се очекува значително поголема количина.

Масовната вакцинација со „Спутник V“, веројатно, ќе почне во втората половина на јануари.

Вакцинирањето против коронавирус со вакцината на компаниите „Фајезер“ и „Бионтек“ започна во Србија на 24 декември.