РУСИТЕ ВЕЧЕРВА ЌЕ НАВИВААТ ЗА СРБИЈА Србите ќе се соочат со Бразилците
Руската фудбалска репрезентација ѝ посака среќа на Србија пред почетокот на Светското првенство во 2022 година.
Првото коло од Г-групата ќе биде заокружено вечерва со натпреварот Србија – Бразил од 20 часот.
Руската фудбалска репрезентација ѝ посака среќа на Србија пред почетокот на Светското првенство во 2022 година. Србија вечерва ги почнува настапите на Мундијалот во Катар.
– Среќно на Светското првенство! Веруваме во вашиот успех, браќа! – се вели во пораката на српски јазик, објавена од прес-службата на рускиот тим.
Денес на Мундијалот во Катар уште играат:
Уругвај – Јужна Кореја (14 часот)
Португалија – Гана (17 часот).
Денеска Швајцарија го победи Камерун со 1:0 на отворањето на петтиот ден од Светското фудбалско првенство во Катар. Победничкиот гол на средбата одиграна во Ал Вакрах го постигна Брел Емболо во 48. минута по асистенцијата на Џердан Шакири.