РУСИТЕ МИСЛАТ ДЕКА СТОЈАТ ПОДОБРО НА БОЈНОТО ПОЛЕ, ОД ОНА ШТО Е РЕАЛНО Русија и Украина сè уште не се подготвени за мир, вели Венс
Енергичната дипломатија на претседателот на САД не може да ги натера луѓето да ја преминат линијата од еден метар. На крајот на краиштата, мора да има две страни кои се подготвени да постигнат договор, вели американскиот потпретседател Џеј Ди Венс.
Украина и Русија не се подготвени да склучат мировен договор и покрај „енергичната дипломатија“ на американскиот претседател Доналд Трамп, вели американскиот потпретседател Џеј Ди Венс.
Според него, војната меѓу Русија и Украина продолжува и покрај месеците преговори, бидејќи ниту една страна не е подготвена да постигне мировен договор, пренесува Њузмакс.
– Енергичната дипломатија на претседателот на САД не може да ги натера луѓето да ја преминат линијата од еден метар. На крајот на краиштата, мора да има две страни кои се подготвени да постигнат договор. И токму сега, со сите наши напори, кои ќе продолжиме да ги преземаме, Русите и Украинците едноставно не се во фаза каде што можат да постигнат договор – рече Венс.
Сепак, според него, мирно решение е сè уште можно, но ќе бара „многу повеќе работа“.
– Мислам дека постои фундаментално несовпаѓање на очекувањата, каде што Русите имаат тенденција да мислат дека се снаоѓаат подобро на бојното поле, отколку што всушност се – забележа тој.
Според него, токму тоа го отежнува постигнувањето договор во изминатите неколку месеци, дури и покрај одреден напредок.
Претходно, американскиот претседател Доналд Трамп изјави дека по мировниот договор за Газа, тој ќе ја заврши војната во Украина.
Трамп рече дека „би било добро да се склучи мировен договор со Иран“, истакнувајќи дека пред тоа е потребно да се „разговара со Русија“.