РУСИТЕ ИСТУРКАНИ ОД СЕВЕРЕН ХАРКОВ Битките се жестоки, жителите да не брзаат назад кон домовите
Непријателот е подмолен и прави сè за да повреди што е можно повеќе цивили меѓу Украинците, објави Синегубов на Телеграм.
Украинците успеале да ги истуркаат Русите од северниот дел на градот и да заземат неколку села, јавува Би-Би-Си. Според регионалниот гувернер Олег Синегубов, се водат „жестоки битки“. Тој информираше дека Русите заминувајќи зад себе оставиле „стапици“ и ги повика жителите да останат во засолништата и „да не брзаат кон ослободените населби“.
„Непријателот е подмолен и прави сè за да повреди што е можно повеќе цивили меѓу Украинците“, објави тој преку Телеграм.
This is how Russian troops in panic were running away from Ukrainian forces, somewhere near Ruska Lozova, Kharkiv oblast.
📽️Butusov plus pic.twitter.com/s3TXqVa3VC
— UkraineWorld (@ukraine_world) May 11, 2022
Синегубов додаде дека благодарение на успешните офанзивни операции на украинските сили, неколку блиски градови се ослободени.
Регионалното обвинителство во Харков соопшти дека најмалку четири лица загинале кога конвој од 15 автомобили се обидел да се евакуира во близина на селото Стари Салтив.
Припадник на украинската армија, познат по прекарот „Шпанец“, изјави дека конвојот најверојатно бил погоден од „автоматски пиштол“ и дека еден автомобил бил погоден од топ од „тенк или борбено возило на пешадија“.
На само еден километар од конвојот, руски тенк беше уништен од фрлачи на гранати што ги користеа украинските војници.