РУСИЈА ВО ВОЈНА СО КРИТИЧАРИТЕ Ќе се конфискува имотот на секој што шири „лажни вести“ за армијата
Мерката ќе важи и за оние кои се прогласени за виновни за „дискредитација“ на руските вооруженисили, за оние кои бараат санкции против Русија и за оние кои се прогласени за виновни за поттикнување екстремистичка активност.
Долниот дом на рускиот парламент даде конечно одобрување на новиот закон кој ќе им овозможи на властите да го конфискуваат имотот на луѓето осудени за намерно ширење лажни вести за војската. Државната Дума го одобри законот во третото и последно читање, објави претседателот на Долниот дом, Вјачеслав Володин на својот официјален канал на Телеграм.
Мерката ќе важи и за оние кои се прогласени за виновни за „дискредитација“ на вооружените сили, за оние кои бараат санкции против Русија како и за оние кои се прогласени за виновни за поттикнување екстремистичка активност.
Новиот закон, кој допрва треба да биде одобрен од Горниот дом на рускиот парламент и од претседателот Владимир Путин, ќе и овозможи на државата да ги заплени имотите на Русите кои ја напуштија земјата и ја критикуваа војната во Украина и продолжуваат да се потпираат на приходите од изнајмување на нивните домови или станови во Русија.