РУСИЈА САКА ДА ГИ ТРГНЕ САД И ТУРЦИЈА ОД РАВЕНКАТА Кремљ бара да преговара само со Украина
Ова е уште еден показател дека руската страна ги поткопува обидите за мир. Ние дојдовме подготвени за сериозни разговори, додека Русите поставуваат услови и барања, изјави неименуван извор. Тој додаде дека постои сомнеж дали делегацијата навистина има мандат да бара решенија или е испратена само за да го забави процесот.
Русија бара разговорите со Украина во Истанбул да се одржат без претставниците на САД и Турција, изјави денеска украински дипломатски извор за Ројтерс, додавајќи дека овој потег покажува дека Москва „ги поткопува мировните напори“.
– Уште еден знак дека руската страна ги поткопува мировните напори. Дојдовме да водиме сериозен разговор, додека Русите поставуваат барања и услови. Ова нè тера да се сомневаме дали рускиот претседател Владимир Путин ги испратил за да ги решат проблемите или само да го запрат процесот – рече изворот, кој сакаше да остане анонимен.
Според неговите тврдења, причината зошто Русите се плашат од присуството на САД во овие преговори е тоа што тие „сакаат да го запрат процесот, а не да ги решат проблемите“, и сакаат да го сокријат ова од Вашингтон.
Во Истанбул заврши состанокот на претставниците на Турција, САД и Украина, што се одржа во претседателската палата Долмабахче и траеше малку повеќе од еден час, изјавија за агенцијата Анадолија извори во турското Министерство за надворешни работи.
Се очекува во секој момент да започнат првите директни преговори меѓу Русија и Украина од пролетта 2022 година, а руската делегација, предводена од помошникот на рускиот претседател, Владимир Медински, веќе пристигна во палатата Долмабахче.
Медински синоќа изјави дека целта на директните преговори со украинската страна е воспоставување долгорочен мир и решавање на коренските причини за кризата.