📽️ РУСИЈА ПОВТОРНО ГИ АНГАЖИРА „ВАГНЕРОВЦИ“ Москва се подготвува да обучи 100.000 војници
Стотици инструктори од „Вагнер“ во рамките на новата програма имаат задача да ја зајакнат борбената ефикасност на рускиот воен персонал.
По неуспехот во Сирија и поради зголемените глобални тензии, рускиот претседател Владимир Путин подготвува нова „армија на специјални единици“. Според руските медиуми, инструктори од приватната воена компанија „Вагнер“ наскоро ќе обучуваат 100.000 војници за потребите на руските вооружени сили.
Стотици инструктори од „Вагнер“ во рамките на новата програма имаат задача да ја зајакнат борбената ефикасност на рускиот воен персонал.
Според каналот „Insider-T“ на платформата Телеграм, обуката ќе се одржува во специјализирани центри, под надзор на ветерани со долгогодишно борбено искуство во различни делови на светот.
Програмата ќе се фокусира на физичка подготовка, тактички борбени техники во различни услови и ракување со модерно оружје и опрема.
Одлуката на Русија доаѓа во услови на загриженост за безбедноста во Сирија и другите жаришта. По падот на позициите на Асад во Сирија, Русија го зголеми своето присуство во Либија и Африка, а во исто време се подготвува за можна „исламска хибридна војна“:
Влегување на џихадисти од Таџикистан или Узбекистан: Борбените групи кои се бореле со турска поддршка во Сирија би можеле да извршат напади на јужните граници на Русија.
Турска политика: Според многу аналитичари, Анкара се повеќе е вклучена во конфликти од Блискиот Исток до Северна Африка, што врши притисок врз Москва да ги зајакне сопствените сили за брза реакција.
Според руски извори, новата „специјална армија“ би можела да дејствува на неколку фронтови истовремено – од Либија до источниот Медитеран.
Руските власти постојано ја нагласуваат можноста џихадистите од Блискиот Исток и Централна Азија да се преселат на руска територија. Во официјалното соопштение се наведува дека обучените војници „ефикасно ќе се спротивстават на секоја закана за националната безбедност, внатре и надвор од земјата“.
Руска армија во Либија и Африка: Откако силите на сирискиот претседател Башар ал Асад претрпеа значителен удар, Москва се повеќе се свртува кон операциите во Африка и дел од Блискиот Исток.
Улогата на Турција: Според аналитичарите, Анкара интензивно го поддржува „Муслиманското братство“ во Либија и Египет, што за Русија претставува опасност од потенцијална дестабилизација на нови области.
Нова фаза од конфликтот во источниот Медитеран: Можни се поголем број воени интервенции и ескалација на конфликтот, поради што Москва гледа потреба од брзи и мобилни сили.
Израелскиот одбранбен аналитичар Дана Леви повика на претпазливост во врска со „турскиот национализам“, велејќи дека Турција се потпира на платеничките единици во Сирија, Ирак, Либија, па дури и во Јужен Кавказ. Според нејзините зборови, „оваа агресија треба да се запре на секој начин“.