РУСИЈА И КИНА ВООПШТО НЕ СЕ ПЛАШАТ ОД НАТО БЕЗ САД Трамп ги искритикува партнерите во Алијансата
„Секогаш ќе бидеме тука за НАТО, дури и ако тие нема да бидат тука за нас“, напиша американскиот претседател Доналд Трамп, еден ден откако Белата куќа објави дека не исклучува воената интервенција за преземање на Гренланд од сојузникот на НАТО, Данска.
Американскиот претседател Доналд Трамп објави дека се сомнева дека „НАТО ќе биде тука за нас ако навистина ни требаат“, критикувајќи го трансатлантскиот безбедносен сојуз во објава на неговата платформа „Трут соушл“.
„Секогаш ќе бидеме тука за НАТО, дури и ако тие нема да бидат тука за нас“, напиша тој, еден ден откако Белата куќа објави дека не исклучува воената интервенција за преземање на Гренланд од сојузникот на НАТО, Данска.
„Запомнете, за сите тие големи поддржувачи на НАТО: тие беа на 2% од БДП, а повеќето воопшто не ги плаќаа своите обврски – сè додека јас не се појавив. САД, глупаво, плаќаа за нив! Јас, со сета почит, ги натерав да одат на 5% од БДП И ТИЕ ПЛАЌААТ, веднаш. Сите велеа дека тоа не може да се направи, но можеше, затоа што, над сè, тие се сите мои пријатели. Без моето вмешување, Русија ќе ја имаше ЦЕЛА УКРАИНА во моментов. Запомнете и дека јас самостојно завршив 8 војни, а Норвешка, членка на НАТО, глупаво одлучи да не ми ја додели Нобеловата награда за мир. Но, тоа не е важно! Важно е тоа што спасив милиони животи. Русија и Кина воопшто не се плашат од НАТО без САД, а јас се сомневам дека НАТО би бил тука за нас. Сите се среќни што ја обновив нашата војска во мојот прв мандат и продолжувам да го правам тоа“, објави американскиот претседател Трамп.
