РУСИЈА ГИ ПОВИКА ЕУ И НАТО ЗА КОСОВО Еве што официјална Москва бара од западните сили

Руското Министерство за надворешни работи ги повика НАТО и ЕУ да побараат од Приштина да ги повлече своите полициски сили од северот на Косово и со тоа да спречи понатамошна ескалација.

– Русија е загрижена за ситуацијата на Косово. Настаните одат од лошо кон полошо сценарио – изјави портпаролот на Министерството за надворешни работи.

Таа изјави дека формирањето на Сојузот на српски општини (ЗСО), кое беше замислено како начин да се гарантира почитување на правата и интересите на Србите во покраината, останува „мртво писмо на хартија“ поради саботажата на Приштина.

Захарова проценува дека Приштина сака да воспостави целосна контрола на територијата на целата провинција, со помош на репресивниот апарат на самопрогласената косовска „држава“.

Таа смета дека постапките на Приштина не наидуваат на соодветна проценка или опомена во Брисел, кој е овластен да помогне во потрагата по решение за проблемот помеѓу Белград и Приштина, како и во Вашингтон.

Според неа, силите на НАТО за Косово и Мисијата на ЕУ за владеење на правото ги имаат неопходните мандати за да спречат беззаконие, и затоа носат целосна одговорност за заштита на цивилите, обезбедувајќи мир и безбедност.

Претходните денови, патролите на КФОР пристигнаа во Јариње, на административната линија на северот на Косово, со цел да обезбедат слобода на движење.

Иако американската амбасада во Приштина потврди дека и заменик-помошникот државен секретар Габриел Ескобар ќе учествува на итниот состанок свикан поради ситуацијата на северот на Косово во Брисел, портпаролот на ЕУ Петер Стано го негираше тоа, пишува Газета експрес.

– Не, г-дин Ескобар нема да присуствува на средбата. Дијалогот има тројца учесници – Косово, Србија и ЕУ. Сите останати го поддржуваат дијалогот однадвор – изјави Стано за Газета експрес.

Амбасадата на САД во Приштина вчера објави дека американскиот помошник државен секретар за европски и евроазиски прашања Габриел Ескобар исто така ќе учествува на разговорите во Брисел.

– Задоволни сме што Србија и Косово оваа недела ќе испратат претставници во Брисел на разговори и ќе ги охрабрат двете страни да се вклучат отворено, сериозно и брзо. Заменик-помошникот државен секретар за Европа и Евроазија Габриел Ескобар оваа недела ќе отпатува за Брисел за да учествува во тие дискусии – изјави портпаролот на Амбасадата на САД во Приштина.