РУСИЈА ЌЕ ГО ЗАГОРЧИ ЛЕБОТ Цената на житото на светскиот пазар се покачува за 15%
Суспендирањето на Црноморскиот договор за извоз на украински жита најверојатно ќе влијае на поскапувањето, предупредуваат од Меѓународниот монетарен фонт.
Повлекувањето на Русија од договорот за безбеден извоз на украинско жито преку црноморските пристаништа може да предизвика глобално зголемување на цените на житото од 10% до 15%, проценува Меѓународниот монетарен фонт (ММФ).
Можеби ќе ве интересира
Според главниот економист на ММФ, Пјер-Оливие Гуринчас, Црноморскиот договор за жито бил „многу важен“ за да се обезбеди гаранција дека може да се извезат доволни количини жито од Украина за да се олеснат ценовните притисоци врз прехранбените производи.
-Суспендирањето на договорот за извоз на украински жита најверојатно ќе влијае на поскапувањето. Се уште проценуваме колку ќе биде поскапувањето, но сметаме дека е разумна проценка дека поскапувањето ќе биде во опсег од 10% до 15%, најави Гуринчас.