РУСИЈА ЌЕ ДОЗВОЛИ ЖИТО ДА СЕ ИЗВЕЗУВА ОД ОДЕСА? Лавров во среда ќе разговара за ублажување на блокадата
Рускиот министер за надворешни работи Сергеј Лавров се очекува да разговара за ова прашање во среда во Анкара. По разговорите треба и официјално да биде одобрен планот за деблокирање на житото во Одеса, се вели во статијата.
Руската влада планира да дозволи бродовите што пренесуваат жито да го напуштат украинското пристаниште Одеса, со што ќе се олесни блокадата што предизвика страв од недостиг. Руското раководство се договорило со Киев и Анкара за план за деблокирање на пратките со жито од Одеса, пишува провладиниот весник „Известија“, повикувајќи се на владини кругови, пренесува Јутарни лист.
Рускиот министер за надворешни работи Сергеј Лавров се очекува да разговара за ова прашање во среда во Анкара. По разговорите треба и официјално да биде одобрен планот за деблокирање на житото во Одеса, се вели во статијата.
„Во територијалните води на соседната земја, турските воени сили ќе преземат деминирање, а исто така ќе ги надгледуваат бродовите до неутралните води“, пишува „Известија“.
Руските воени бродови потоа ќе ги придружуваат бродовите со жито до Босфорот.
Овој потег доаѓа во време на пораст на цените на храната, откако војната на Москва против Украина доведе до големи турбуленции на светските пазари. Украина е еден од најголемите светски извозници на жито, а падот на нејзините испораки по конфликтот тешко ги погоди африканските земји.
Рускиот претседател Владимир Путин неодамна го прими претседателот на Африканската унија и Сенегал, Маки Сал, за да разговара за ова прашање. Путин негираше дека Русија е одговорна за високите цени, но рече дека е подготвен да ја олесни испораката на жито.