„РУИНИРАНА КУЌА СО РЕНОВИРАНА ФАСАДА“ Еве што мисли Меџити за одлуката Џафери да биде технички премиер

Претседателот на Демократското движење, Изет Меџити, на прашање на ТВ21 за одлуката на ДУИ Талат Џафери да биде технички премиер во последните 100 дена од Владата, рече дека работата е како трошна куќа со нова фасада.

– Руринирана куќа со реновирана фасада. Вака работи техничкиот премиер – кратко одговори Меџити.

Актуелниот претседател на Собранието Талат Џафери, пак, се заблагодари на номинацијата од ДУИ да биде премиер на техничката влада 100 дена пред парламентарните избори идната година.

Тој вели дека ќе ја извршува функцијата со почит и со одговорност.

– Ми претставува особена чест за доделената доверба од партиските органи и секако можам да кажам дека и оваа функција со должно почитување и соодветна одговорност ќе биде спроведена од моја страна како одговор од поддршката искажана од партиските органи, а пред сè од граѓаните на Република Северна Македонија – изјави Џафери.