РУБИО НЕ Е НА Г7 ЗА ДА ГИ НАПРАВИ ГЕРМАНИЈА И ФРАНЦИЈА СРЕЌНИ Вадефил се обиде да ги смири тензиите меѓу Берлин и Вашингон

Германскиот министер за надворешни работи, Јохан Вадефул, изјави дека успеал да му разјасни на својот американски колега Марко Рубио дека Германија е подготвена да помогне во Ормускиот Теснец, ама откако војната ќе заврши.

– Германија секако е подготвена, по прекинот на непријателствата, да одигра улога кога станува збор за обезбедување на сигурноста на бродскиот сообраќај во Ормускиот Теснец – му рекол Вадефул на Рубио за време на нивниот прв билатерален разговор на маргините на состанокот на Г7 во Франција.

Тој додал дека се очекува дискусиите на оваа тема да продолжат.

Американскиот претседател Доналд Трамп претходно ги обвини Германија и другите европски членки на НАТО дека не реагирале на неговите повици за помош во обезбедувањето на овој клучен нафтен пат. Трамп вчера истакна дека слушнал „од шефот на Германија“ (канцеларот Фридрих Мерц) дека војната во Иран „не е нивна војна“. Трамп рече дека на тој став одговорил со зборовите: „Па, и Украина не е наша војна“.

Вадефул ги нарече ваквите забелешки на Трамп за позицијата на Германија како „многу несоодветни“.

Германскиот министер го повтори својот повик за единство меѓу Г7.

– Со оглед на тоа што Иран и Русија соработуваат многу тесно, ние мораме да стоиме заедно уште поцврсто – рече тој.

Групата претходно дискутираше за понатамошна поддршка за Украина во присуство на Рубио.

– Светот сега се соочува со две војни, во Украина и во Иран,што претставува автоматски притисок врз нашата економија, нашите општества и нашата кохезија.

 

SECRETARY RUBIO on the G7: I don’t work for France or Germany or Japan. I get along with all of them on a personal level and we work with those governments very carefully.

But the people I’m interested in making happy are the people of the United States. I work for them. pic.twitter.com/auBGLFYeqZ

— Department of State (@StateDept) March 26, 2026

 

Пред состанокот на Г7 Рубио рече дека е тука во име на САД.

– Сакам да се сретнеме, не знам каков прием ќе добијам од нив. Мислам дека треба да се среќни што одам на состанокот – рече Рубио.

На забелешка на новинар дека членките на г7 не се среќни со она што се случува, Рубио рече:

– Не сум тука за да ги направам среќни. Се сложувам со сите нив на лично ниво и соработуваме со тие влади многу внимателно. Но, луѓето што ме интересираат да ги направам среќни се луѓето од Соединетите Американски Држави. Јас работам за нив. Не работам за Франција, Германија или за Јапонија – рече американскиот државен секретар.