‘РТЕТЕ НИКУЛЦИ ЗА ЗДРАВЈЕ И ЕНЕРГИЈА Овесни за крв и тироида, оризови за бубрези, од леќа за имунитет
Здрава и евтина храна без многу труд и време? Можеби ова звучи како научна фантастика, но навистина е можно. Тајната се крие во р`тењето на никулците
Кога се зборува за здрава храна денес често се користи изразот супер-храна, а никулците се токму тоа. Со нив ќе добиете изобилие од витамини и минерали, а за тоа не ви требаат ниту многу пари, ниту многу труд.
Семето е полно со притаени ензими кои се самата суштина на животот. Кога ќе се создадат погодна температура и влажност, почнува чудесниот момент на р’тење кога се ослободува голема количина на енергија. Во текот на процесот на р’тење ензимите ги разградуваат сложените хранливи материи на поедноставни кои полесно се варат. Јаглените хидрати се разградуваат на прости шеќери, мастите се претвараат во масни киселини, а протеините во аминокиселини.
Содржината на витамините наеднаш се зголемува до количина која далеку ја надминува онаа која ќе постои во пораснатата билка.
Пред се, никулците се извор на витамин Ц, витамини од групата Б и витамин Е. Од минералите, треба да се истакне железото со кое се особено богати никулците на мешунките. Најдобро е да се јадат повеќе видови на изртено семе, затоа што секој вид содржи различни количини од овие важни состојки.
Повеќе за ова на порталот „Арт кујна“.