РОБОТИ НОСАТ ОНЛАЈН НАРАЧКИ ПОРАДИ ПАНДЕМИЈАТА Дојде време да ги славиме машините што ни ја земаат работата

Се очекува повеќе од илјада роботи да се приклучат на армијата на персоналот за испорака на кинеските компании за е-трговија, (Alibaba, Meituan и JD.com) во текот на следната година, бидејќи пандемијата ја поттикнува побарувачката за бесконтактни услуги.

Овие кинески гиганти за трговија преку Интернет очекуваат да работат со повеќе од 2.000 роботи до 2022 година, што е приближно четири пати повеќе отколку досега, велат нивните директори, охрабрени од фактот дека трошоците за производство на роботи се намалуваат.

Милиони курири во Кина продолжуваат да испорачуваат пакети за помалку од три јуани (0,47 американски долари), а технолошките компании ја истражуваат употребата на беспилотни летала или кутии слични на роботи на тркала од 2013 година.

Официјален Пекинг им нареди на компаниите, кои се борат да ја исполнат зголемената побарувачка и да ги исполнат роковите, да обезбедат пауза за куририте.

Според Алибаба, трошоците за изработка на нивните роботи се под 250.000 јуани (38.662 американски долари) по парче, и тие продолжуваат да опаѓаат.

JD.com, која управува со околу 200 роботи, планира да го зголеми нивниот број на околу 1.000 единици до крајот на 2021 година.

Ксиа Хуакси од Меитуан наведува дека трошоците за производство на нивните роботи се околу 400.000 јуани (61.940 долари) оваа година во споредба со 600.000 јуани (92.900 долари) минатата година.

Според оваа компанија, роботот на Меитуан ќе чини помалку од 200.000 јуани во 2025 година, кога масовното производство на над 10.000 роботи ќе оживее во оваа индустрија.

Во моментов Меитуан има околу 100 роботи за испорака.