Ријана му купила респиратор на својот татко бидејќи бил позитивен на коронавирус

Пејачката Ријана купила респиратор и го испратила кај нејзиниот татко откако дознала дека е позитивен на коронавирус.

– Mојата ќерка секој ден ме проверуваше. Искрено, мислев дека ќе умрам. Морам да кажам, многу те сакам, Робин – рекол таткото на Ријана, Роналд (66), за „Сан“.

Иако респираторот пристигнал во неговата куќа на Барбадос, Роналд не морал да го користи. Тој по 14 дена бил пуштен од центарот за изолација, бидејќи потполно оздравел.

– Можев да ја почувствувам температурата во носот, на устата, чувствував треска насекаде… Искрено, мислев дека ќе умрам – им изјавил на новинарите.

На Барбадос досега се забележани три смртни случаи поради коронавирусот, а Роналд бил еден од ретките заразени.

Фондацијата „Клара Лионел“ на Ријана најавила дека ќе донира 5 милиони долари како помош во борбата против коронавирусот.

Нејзиниот татко одмора во пространата куќа во Сент Џејмс што неговата богата и славна ќерка ја купи за него.