РЕЗИМЕ НА ХАОСОТ ВО ЉУБЉАНА Полицијата употреби гумени куршуми, солзавец, коњи, кучиња (ВИДЕО)
Според полицискиот извештај, демонстрантите сериозно го нарушиле јавниот ред и мир. Тие фрлаа разни предмети врз возилата и полицајците. Тие го загрозија и железничкиот надвозник, што доведе до прекин на железничкиот сообраќај.
Во Љубљана, ограничувањата за движење сѐ уште се во сила во одредени делови од градот, како и во Блед и Брдо, и во близина на Крањ. По вчерашните протести, приведени се 25 лица, објави Индекс.хр.
Според полицијата, на протестите имало околу 3.000 луѓе.
Полициски службеници од коњи ги туркаа демонстрантите
Силни полициски сили го обезбедија протестот, кој не беше најавен, пишува N1 Словенија. Иако полицијата ги повикаа учесниците да се разотидат, тие тоа не го сторија.
Полицијата подоцна употреби водени топови, солзавец и гумени куршуми за да ги растера демонстрантите. Полициските службеници со коњи ги бркале луѓето.
Според полицискиот извештај, демонстрантите сериозно го нарушиле јавниот ред и мир. Тие фрлаа разни предмети врз возилата и полицајците. Тие го загрозија и железничкиот надвозник, што доведе до прекин на железничкиот сообраќај.
Приведени 25 лица, повредени шест полицајци …
Приведени се 25 лица, од кои три се задржани. Две лица побарале лекарска помош поради вдишување солзавец, а шест полицајци се полесно повредени. Според извештаите на медиумите, полицијата го уапсила и Зоран Стевановиќ, локален политичар во Крањ, кој разговарал со антивладините демонстранти на неколку неодамнешни јавни собири, а полицијата го смета за еден од организаторите на протестот.
Бидејќи денеска се одржува неформален самит ЕУ-Западен Балкан на Брдо кај Крањ, на 30-тина километри од Љубљана, и поради некои најави дека демонстрантите и оние кои се незадоволни од владата може да се обидат да се приближат до шефовите на држави и влади во обид да се добие видливост, полицијата ја засили безбедноста и на таа локација.
Синоќа се одржа неформална работна вечера на лидерите на ЕУ, чиј домаќин беше премиерот Јанез Јанша. Покрај претседателката на Комисијата, Урсула фон дер Лејен, претседателот на Советот Шарл Мишел и домаќинот на состанокот, Јанша, присуствуваа делегации и лидери од земјите-членки, меѓу кои хрватскиот премиер Андреј Пленковиќ, францускиот претседател Емануел Макрон и германската канцеларка во заминување Ангела Меркел.