РЕВОЛУЦИЈА ВО ФУДБАЛОТ Прв пат покажан бел картон, навивачите останаа збунети (ВИДЕО)
Англиските медиуми пишуваат дека ова е прв пат во историјата да се покаже ваква карта. Белиот картон е новитет во фудбалот кој има за цел да го промовира фер-плејот.
Минатиот викенд во Португалија за прв пат видовме „бел картон“ на официјален натпревар.
Тоа го покажа главниот судија на натпреварот од Купот на Португалија помеѓу женските екипи на Бенфика и Спортинг (5:0).
На крајот од првото полувреме таа им го покажа белиот картон на лекарските служби на двата клуба.
Англиските медиуми пишуваат дека ова е прв пат во историјата да се покаже ваква карта. Белиот картон е новитет во фудбалот кој има за цел да го промовира фер-плејот.
На натпреварот помеѓу Бенфика и Спортинг тоа беше прикажано откако двете лекарски служби реагираа кога на еден од играчите му се слоши.
As equipas médicas de Benfica e Sporting receberam cartão branco após assistirem uma pessoa que se sentiu mal na bancada 👏 pic.twitter.com/ihin0FAlJF
— B24 (@B24PT) January 21, 2023
Видео кое кружи на интернет покажува дека на медицинскиот работник не му е јасно зошто му покажале бел картон.
Публиката, пак, реагираше со овации.
Бенфика славеше убедливо, а по два постигнаа Ана Виторија и Џесика Силва, а останатите ги додаде Кристи Уцеибе.
Натпреварот се одигра на стадионот „Ла Луж“ пред повеќе од 15.000 навивачи со што беше поставен рекорд во посетеност на женски натпревар во Португалија.