РЕШЕН Е ОТКУПОТ НА ОРИЗОТ Земјоделците ќе добијат 6.000 денари за тон извезен ориз и субвенција од 18.000 денари по хектар

Премиерот Христијан Мицкоски објави на социјалните мрежи дека е решен откупот на оризот со тоа што  оризопроизводителите добиваат поддршка од 6.000 денари за 1.000 килограми откупена оризова арпа наменета за извоз, и субвенции од 18.000 денари од хектар за тековната 2024 година.

„По интензивните средби кои ги имавме заедно со министерот за земјоделство, водостопанство и шумарство, Цветан Трипуновски периодов се пронајде решение за откупот на оризопроизводителите.

Се донесе одлука дополнително да се поддржи откупот со по 6.000 денари за 1.000 килограми откупена оризова арпа наменета за извоз. Плус на ова оризопроизводителите ќе добијат субвенции од 18 илјади денари од хектар за тековната 2024 година. Ова е конкретна и многу добредојдена поддршка за земјоделците. На овој начин ги решаваме проблемите и се бориме за подобар стандард на сите!“, напиша Мицкоски.